Breaking News
Home / செய்திகள் / இந்த விளையாட்டெல்லாம் சின்ன வயசுல விளையாடி இருக்கீங்களா?

இந்த விளையாட்டெல்லாம் சின்ன வயசுல விளையாடி இருக்கீங்களா?

இந்த விளையாட்டெல்லாம் சின்ன வயசுல விளையாடி இருக்கீங்களா?

இந்த விளையாட்டெல்லாம் சின்ன வயசுல விளையாடி இருக்கீங்களா?

சற்றேறக்குறைய முப்பது நாற்பது ஆண்டுகளுக்கு முன்பு வரை, பழந்தமிழர் கலைகள், விளையாட்டுகள் யாவும் உயிர்ப்புடன் இருந்துவந்தன. ஆண்டுகள் போகப்போக, புதிது புதிதாக வந்த அறிவியல் கண்டுபிடிப்புகள், கருவிகளாக மக்களின் பயன்பாட்டுக்கு வந்தபின்னர், தமிழரின் பாரம்பரியமான பயன்பாடுகள் எல்லாம் ஒன்றன்பின் ஒன்றாக, வழக்கொழிந்து போயின.

அக்காலங்களில் கிராமங்கள் என்றில்லாமல் நகரங்களிலும் தொன்மையான விளையாட்டுகளே, சிறுவர் சிறுமியருக்கு உள்ள பொழுதுபோக்காக இருந்து வந்தது, பள்ளிகளில் விடுமுறை நாட்கள் வந்துவிட்டாலோ, ஊரிலிருந்து உறவுப்பிள்ளைகள் வந்துவிட்டாலோ, வீடு ஒரே உற்சாகக் கொண்டாட்டத்துடன் திகழும், அந்த உற்சாகத்துடன், பிள்ளைகள் வெளியில் சென்று விளையாட விரும்ப, பெற்றோரும் அனுமதித்து விடுவர்.

அப்படி சிறுவர் சிறுமியர் பெற்றோர் ஆதரவுடன் விளையாடிய விளையாட்டுக்கள் பல இருந்தாலும், அக்காலத்தில் குழந்தைகளிடையே பிரபலமாக விளங்கியவை, பெண்களின் விளையாட்டான பல்லாங்குழி, தாயக்கட்டை, நொண்டி ஆட்டம், சில்லு ஆட்டம் போன்றவையும், சிறுவர்களுக்கு, கிட்டிப்புல், கோலி, பம்பரம், கபடி போன்ற விளையாட்டுகள் முக்கியமாக இருந்தன.

பல்லாங்குழி விளையாட்டு :

மரத்தால் ஆன ஏழு குழிகள் கொண்ட இரண்டு இணைப்பலகைகள் கொண்ட பல்லாங்குழி. முற்காலத்தில் திருமண சீர்வரிசையில் பெண் வீட்டார் பெண்ணுடன் அனுப்பும் பொருட்களில் முக்கியமானது, இந்த பல்லாங்குழி. அக்காலத்தில் வீட்டில் உள்ள திருமணமாகாத பெண்கள், பிரசவத்திற்கு காத்திருக்கும் தாய்மார்கள் எல்லாம் விளையாடும் ஒரு உற்சாகமான விளையாட்டு.
எப்படி விளையாட வேண்டும்?

இரண்டு பேர் விளையாடக்கூடிய பல்லாங்குழியில் ஒவ்வொரு குழியிலும் ஐந்து புளியங்கொட்டைகளை இட வேண்டும், மொத்தம் எழுபது காய்கள். ஒருவர் போட்டியைத் தொடங்க வேண்டும், அவர் பக்கம் உள்ள குழியில் இருந்து காய்களை எடுத்து, ஒவ்வொன்றாக அடுத்தடுத்த குழிகளில் போட்டு வரவேண்டும், இப்படியே தொடர வேண்டும், கைகளில் உள்ள காய்கள் தீரும்போது, அடுத்து வெறும் குழி வருமாயின், அதற்கு அடுத்த குழியில் உள்ள காய்கள் அனைத்தும், அவருக்கே சொந்தம்.

இதன் மூலம் இருவரில் ஒருவரே, வெற்றியாளராக முடியும், மற்றவரின் கையில் ஒரு குழிக்கு தேவையான ஐந்து காய்கள் இல்லாத நிலையிலும், ஒரு காயை குழியில் போட்டு, அவரிடம் உள்ள அந்த ஓரிரு காய்களும் தீரும்வரை ஆட்டம் தொடரும், இதை கிராமங்களில் கஞ்சி காய்ச்சுதல் என்பர், இதுபோல விளையாடிவர, கையில் அதிகம் காய்கள் இருக்கின்றவரே, வெற்றியாளர் ஆவார்.

நொண்டி ஆட்டம் :

சிறுவர், சிறுமியரை உற்சாகம் கொள்ள வைக்கும் விளையாட்டு, உடலோடு மனதுக்கும் ஊக்கம் தரும் ஒரு விளையாட்டு, இந்த நொண்டி ஆட்டம்.

ஒரு சிறிய வட்டம் வரைந்து, அதில் ஒருவர் நின்றுகொண்டு விளையாட்டைத் தொடங்குவார், ஒரு காலை மடக்கி, நொண்டியடித்து ஒடி, அங்கே சுற்றி ஓடிக்கொண்டிருக்கும், மற்ற பிள்ளைகளைத் தொட வேண்டும், தொட்டுவிட்டால், அவர்கள் ஆட்டத்திலிருந்து வெளியேறுவர், ஆயினும், நொண்டியடிப்பவர் குறிப்பிட்ட வட்டத்தில் காலை ஊன்றாமல், வெளியில் காலை ஊன்றிவிட்டால், ஏற்கெனவே வெளியேறியவர் மீண்டும் வந்து ஆட்டத்தில் இணைந்து கொள்வார், அனைவரையும் ஆட்டமிழக்க செய்பவரே, வெற்றியாளர்.

நன்மைகள் :

இந்த ஆட்டத்தை குழுவாகவும் விளையாடலாம், இந்த ஆட்டத்தின் வேறு வடிவமே, பள்ளிகளில் கோகோ எனும் குழு விளையாட்டாக விளையாடப்பட்டது.

இந்த நொண்டி ஆட்டம், கால்களை மடக்கி ஒடி விளையாடுவதால், குழந்தைகளின் இரத்த ஓட்டம் அதிகரித்து, விளையாட்டில் அடையும் வெற்றிகளால் மனம் புத்துணர்வும் அடைகிறது. தோற்றாலும் வெல்ல வாய்ப்புகள் இருப்பதால், குழந்தைகள் யாவரும் மகிழ்வோடு விளையாடும்போது, அவர்களின் உடலும் மனமும் இலகுவாகி, உடலின் ஆற்றல் மேம்படுகிறது. சோம்பல் நீங்கி, சுறுசுறுப்பு உண்டாகிறது

சில்லு விளையாட்டு.

பெற்றோருடன் சிறுவர்கள் சிறுமியர், நீர்நிலைகளில் குளிக்கச்செல்கையில், அவர்களுக்குத் தெரியாமல், சில்லு எனும் மண் பாண்டங்களின் ஓட்டை நிறைய கைகளில் வைத்திருப்பார்கள்.
பெற்றோர் துணி துவைக்கும் போதோ, மற்றவர்களுடன் பேசிக் கொண்டிருக்கும்போதோ, கைகளில் உள்ள சில்லுகளை, நீருக்கு மேலே இலாவகமாக, நீரைச் செதுக்கியதுபோல, குறி பார்த்து வீசுவர், அந்த சில்லுகளும் அழகாக, நீரில் மீன்களைப்போல மூன்று நான்கு இடங்களில் நீரைக் கிழித்துக் கொண்டு, சென்று மறையும். இதைக்கண்டு குழந்தைகள், தங்களின் திறமையை தங்களுக்குள் இரகசிய சிரிப்புடன் பகிர்ந்துகொள்வர், இதைக்கண்டும் காணாமல் இருக்கும் பெற்றோரும், குழந்தைகளின் இச்செயலை இரசிக்கவே செய்வர்.

அடுத்த பக்கம் கிளிக் செய்யவும்

Leave a Reply

Your email address will not be published. Required fields are marked *

Close